((( يكفي غياب ))) ؟؟

يابارد الاحساس صدر الغلا ضاق

كفي غياب ويكفي اللي جرى لي

مسكين قلب دايم الدوم مشتاق

مستحمل ظلم الزمن والليالي

مثل الجبل ماهزتك ريح الاشواق

ولا زارتك ذيك الهموم الثقالي

خسران دامك ماتبي حب وفاق
تذبل زهورك كل ما الوقت طالي

أصعب خبر لا قلت لي كلمة فراق

عقب الوفا والحب تنسى وصالي

وأجمل خبر لاجيتني حيل سباق

تطلب حنيني يابعد كل غالي

كن الغلا مزروع في وسط الاعماق

غايب ولايمكن تفارق خيالي

لك في خفوقي حب وازهار واشواق

ولي في خفوقك بس هجر وتعالي

ويا مالك الإحساس صدر الغلا ضاق

يكفي غياب ويكفي اللي جرى لي

**************

وسلامتكم